Пред нас е уште едно долго топло лето. И доколку испадне народната “по утрото се познава денот”, тогаш очекувајте пеколно жешко лето.
На само чекор до пеколните горештини ви наведуваме неколку важни совети околу исхраната (овошје и зеленчук) што треба да ги практикувате за да го освежите вашиот организам.
Целокупниот здрав режим на исхрана во себе вклучува исхрана богата со овошје и зеленчук. Ваквиот режим има големи придобивки по здравјето на секој човек:
- Со консумирање храна богата со овошје и зеленчук се редуцира ризикот од кардиоваскулатни заболувања, се намалува ризикот од Дијабетес тип 2, штити од некои видови канцер.
- Зеленчукот и овошјето кои во себе содржат калиум (компири, грав, домати, боранија, соја, леќа, спанаќ, банани, суви сливи, суви праски и кајсии, диња) може да го намалат ризикот од развој на камења во бубрезите и помага во намалувањето на губењето на коскената маса.
Со конзумирање на овошје и зеленчук се намалува нивото на холестерол во крвта бидејќи ниту еден вид природно не содржи холестерол
- Овошјто и зеленчукот се голем извор на хранливи материи, диетални влакна, фолна киселина, витамин А, витамин Ц, витамин Е и калиум
- Влакната во овошјето се важни за правилната работа на цревата и со тоа помагаат во намалувањето на констипацијата и вршат превенција од појава на хемороиди.
- Овошје и зеленчук особено им се препорачува на бремените жени поради количеството на фолна киселина што го содржат, со што би се спречило појава на аномалии кај фетусот.
- Витаминот Ц помага при зајакнување на имуниот систем, во зараснување на раните и ги одржува здрави забите и непцата.