Пробиотици и орално здравје

До пред неколку години многу малку се спомнуваше за позитивното дејство на бактериите и за нивното значење по здравјето на човекот. Но, откако се појавија пробиотските производи, се се промени. Денес сите знаат дека “ добрите ”бактерии даваат позитивна корист врз нашиот организам кога се употребуваат во одредени количини и ја подобруваат состојбата во организмот кога се урамнотежени со “лошите” бактерии.

Направени се многубројни студии кои само го потврдуваат позитивното влијание на пробиотиците врз имунолошкиот состав, а последниве години истражувањата го потврдуваат и позитивното влијание врз гингивата и оралното здравје воопшто. Утврдено е дека пробиотската култура Lactobacillus casei  влијае врз имунолошкиот состав, го подобрува здравјето на гингивата и ги намалува симптомите на заболувањата како што е гингивитисот. Се смета дека оваа пробиотска култура има дирекно влијание на бактериската флора во усната шуплина. Позитивно влијание врз оралното здравје е докажано и од употребата на пробиотската култура  Lactobacillus reuteri prodentis.

 

Досега пробиотиците најмногу се користеа како функционални производи додадени во млеко, јогурт, детска храна, житарки и диететски додатоци. Пред неколку години од природна пробиотска култура на млечна киселина е направена паста за заби со пробиотска активна база која помага во спречување на кариесот предизвикан од бактеријата Streptococcus mutansи создавање наслаги на забите. Ваквата пробиотска паста за заби ја зајакнува забната глеѓ. Онаа пробиотички активна супстанца што во себе ја содржи ваквата паста за заби реагира исклучиво на бактеријата која е причинител за појавата на кариес, а не ја нарушува рамнотежата на останатите микроорганизми во устата.

автор: д-р Кристина И. Стојаноска Алоска >>>

-авторски текст, не смее да се користи за комерцијални цели и/или реемитување-

Др. Кристина И. Стојаноска Алоска е родена во Охрид, 1984 година. Средно образование завршува во родниот крај, во гимназијата „Св. Климент Охридски“, природно- математичка насока, во 2003година. Дипломира на Стоматолошкиот факултет при Универзитетот „Св. Кирил и Методиј“ во Скопје, во 2008 година. Со работна лиценца за доктор по стоматологија се стекнува по положување на државниот испит во 2009 година. Во соработка со ОО Црвен крст - Охрид издава две брошури поврзани со оралното здравје. По повод Неделата на забоздравствена заштита, во 2014 ја издава Брошурата „ГРИЖА ЗА ЗАБИТЕ“ наменета за најмладите во која се опишани правилата за здрави заби што треба секое дете да ги знае. Следната, 2015 година, за истата цел ја издава брошурата „НАСМЕВКА БЕЗ КАРИЕС“, на малку повисоко ниво, наменета за сите родители и деца, во која се опишани сите нешта поврзани со кариесот и тоа како да се спречи. Во 2017 година издавачката куќа ЕДУКА МАК ја издава нејзината книга со 10 раскази на тема орално здравје, напишани како поезија во проза, со наслов „НАСМЕВКА ЗА ПЕТКА“. Работна пракса како доктор на стоматологија извршува во Стоматолошката ординација "ЕТАДЕНТ" во Охрид, чиј сопственик е од 2019 година. Доктори.мк е портал кој на популацијата и овозможува да согледа многу проблематики од областа на здравството и да научи многу совети и факти за животот , исхраната и здравјето. Мапата претставува одличен и најбрз начин преку кој може да се лоцира доктор или некоја медицинска установа. Особена чест и огромно задоволство ми претставува што сум дел од тимот на Доктори.мк и искрено се надевам дека преку моите статии читателите на Доктори.мк ќе научат многу проблеми од областа на стоматологијата. Доктори.мк според мене е par excellence портал од областа на здравството во Македонија. Големо БРАВО за основачите!!!